Rabu, 24 November 2010
Selasa, 23 November 2010
Parokia Aileu Simu Amo Foun,Pe Albino Marques
Sarani husi Maubisse no Aileu ho laran haksolok simu amo foun no laran teristi tamba husik amo tuan ne’ebé durante ne’e hamutuk ho sarani husi parokia rua ne’e,liu husi despasu amo Bispo Dom Alberto Ricardo da.Silva no 31/2010 hodi foti dezisaun hodi truka amo husi parokia rua ne’e (Maubisse no Aileu),padre Herminio Fatima Gonçalves sai nu’udar paroko São Pedro no São Paulo Aileu nian hahu husi tinan 2003-2010 (Tinan 8) hodi muda fali ba parókia foun Maubisse no Padre Albino Marques ne’e halao nian kna’ar nu’udar parokó iha parókia Imaculada Coração de Maria Maubisse durante tinan 5 fulan 10 (2006-2010) sai fali paroko foun ba Aileu.
Husi Liman loos ba Karuk,Pe Luis Bonaparte(paroko Turiskai),
Pe.Albino Marques,Vigariu jeral Diocese Dili Pe Aplonario.M.A.Guterres
,Pe Hermonio.G.Fatima no Pe.Adri Ola,hafoin fó hatais kultur nian
husi katuas lia nain Parokia Maubisse nian,antes misa
tomada de posse no despidida padre foun no tuan iha Parokia Imaculada
Coração de Maria Maubisse.Foto L.F Martinho da.Costa
Antes hahu misa ba dahuluk sarani husi parókia Maubisse akompaña Pe Albino mai Aileu,sarani husi parokia Aileu simu Pe.Albino no Mgr Pe.Aplonario vigariu jeral diocese dili nian iha tuku 7:47,hafoin hahu kedas simu ho bidu no tara tais ba padre Albino no Mgr Pe Aplonario,hafoin hahu iha tuku 8:15 hahu misa ne’ebé ho tema “Kristu Mak Na’i Liurai Universal” no misa remata iha tuku 10:47,koru ne’ebé hananu iha misa ne’e mai husi Foskapa.
Iha misa tomada de posse no despedida ne’e Mgr Aplonario hateten “agradese ba am’lulik nain 2 ne’ebé durante tinan hirak nian laran hatudu sira nian didikasaun,sakrefisiu no nakonu ho domin ba sarani no parokia 2 ne’e,tamba ami Na’i lulik sira halao kna’ar Kristu nian hodi obdese ba Bispo,Na’i liluk sira seluk,igreja no sarani sira”
Pe.Aplonario hato’o nia limenon ba sarani parokia 2 no amo lulik nain 2 katak “ sarani sira keta sura ka keta haketak malu katak ami ne’e padre Herminio nian ka padre Albino nian maibe buka ba atu bele kolabora ba malu hodi serbi parokia 2 ne’e,ba nai lulik nain 2 serbisu ba ho imi nian didikasaun tomak buka serbisu hamutuk ho konsellu pastoral,madre,governu,sosiadade sivil seluk no orgnizasaun hotu ne’ebé hamrik iha igreja nian okos”
Hosi sorin seluk Pe.Herminio Fatima Gonçalve no Pe Albino Marque hato’o sira nian liamenon no relatoriu ikus kona ba saida mak sira halo ona no saida mak seidauk ho hato’o relatoriu orsamentu nian.
Iha relatoriu Pe Herminio katak “ durante simu kna’ar nu’udar paroko iha Aileu buat ne’ebé halo ona mak hanesan hari’i rezedensia parokia nian,salaun,loke tan sala foun ba eskola hanesan primaria to’o sekundaria São Paulo nian,loke koperativa,loke estasaun foun iha Maurusa,simu no entrega kruz joven ne’ebé simu husi parokia Venilale no entrega ba parókia Comoro,no seluk tan”
Eis padre ne’ebé ukun estasaun ha’at (Daisoli,Maurusa,Seloi no Liquedoe ne’e) hatutan tan katak “ durante ne’e parokia konsege halibur orsamentu lubuk ida,mai husi kolekta,kartoriu,sarani,kasamentu,krisma,ajuda husi doador,madre merycnoll,no mai husi sarani sira hamutuk $.147,471.85 Centavus,husi total ne’e parokia hasai ba hadia kapela,uja ba misa inseramentu kruz joven,hadia kareta,transporte ba amo lulik sira ne’ebé mai ajuda halo misa ba Natal ho paskua,sosa kareta Nissan ida,selu fungsionariu parokia nian,konstrusaun rezedensia parokia nian,sosa hostia,selu eletrisidade no seluk tan hamutuk 131,113.90 no saldo falta 13,595.40 Centavus no aumenta ba sasan iha koperativa baku ba osan hamtuk 2,508,50 Centavus total sal hamutuk 16,103,90 centavus ne’e la konta ho ismola ne’ebé sei iha hela kaixa” Pe Herminio hatutan liu tan.
Husi sorin seluk Pe. Albino mós hato’o nian nia relatoriu katak “ durante ne’e nia kaer kargo nu’udar paroko iha Maubisse durante tinan 5 fulan 10 rai hela orsamentu ikus ka Saldo parokia hamutuk $ 22,250.00,osan hirak ne’e mai husi kolekta,ema aluga salaun/kuartu rezedenzia,sakramentu sira,kafe,no husi eskola pré sekundaria no sekundaria nian ho mos ami ne’e husik hela ekipamentu hanesan kareta,motor jerador no seluk tan”
Iha liamenon ikus Padre nain 2 ne’e hateten “ husu diskulpa karik buat ruma durante ne’e ami halo la kona karik sarani hotu nian laran durante ami halo ami nia kna’ar iha parókia 2 ne’e, no ikus liu husu ba konsellu pastora,organizasaun hotu ne’ebé hamrik iha igreja nian okos,madre no ema hotu atu bele kolabora hamutuk ho ami hodi dezenvolve parokia ida-idak”
Misa misa tomada de posse no despidida amo ne’e ba dahuluku halo iha Parokia Aileu dader tuku 8:15-10:47,hafoin iha tuku 12:40 Pe Aplonario ne’ebé lori Amo Bispo Dom Alberto Ricardo da.Silva nian naran hamutuk padre nain 2 no sarani husi parokia Aileu,to’o fali iha Maubisse hodi lori hikas fali Pe Herminio hodi ba entrega iha iha ne’ebé nia atu halao kna’ar foun ne’e.Hafoin to’o iha Maubisse pe.Aplonario no padre nain 2 hetan simu husi amo nain 2 seluk hanesan Amo Luis Bonaparte (Paroko Turiskai) no padre Adri Ola (Vigario Fatubiliko)hamutuk ho konsellu pastora autoridade lokal,katuas lia nain sira no sarani Maubisse nian hodi fo hatais kultura nian ba Vigariu jeral no pe Herminio.No iha tuku 13:25-14:49 misa tomada de posse no despidida ba amo nain 2.
Iha Observasaun L.F husi fatin 2 ne’e hatudu katak wainhira hahu simu amo nain 2 ne’e sarani sira basa liman,hamnasa no ksolok tebes,maibe hafoin misa remata sarani sira hahu fali hamonu matawen tamba hsuik amo nain 2 ne’e hodi ba halao fali kana’ar iha fatin seluk.Iha misa ne’e halo mós despidida ba Irmaun/Frater Carlos de.Deus hamutuk ho amo Albino hodi halao kna’ar iha Aileu_Martinho da.Costa
Senin, 22 November 2010
Langganan:
Postingan (Atom)