Selesaun PF Susesu Iha Sub Distritu 4

 

Aileu “ liu husi prosesu ida naruk ikus mai Sub Distritu Aileu Vila,Remexio,Laulara no Liquedoe finaliza ona prosesu selesaun ba membru parlamentu foinsae (PF),programa ne’e husi Sekretaria Estadu Juventude No Desportu(SEJD) liu husi Dirasaun Nasiona Planeiamentu no Deszenvolvimentu (DNPD) no hetan tulun husi UNICEF.Atividade ne’e halao ho prosesu kampaña no eleisaun husi suku no remata ho teste eskrita Distritu Aileu remata iha loron 15/06/2013.

 

Iha tinan ne’e SEJD marka tan istoria foun ida, hodi halo selesaun ba membru parlamentu foinsa’e (PF) ne’ebe liu husi Konsellu Nasional Juventude Timor Leste (KNJTL) hodi oragniza atividade selesaun ba membru PF hira ne’e.Ba Distritu Aileu organiza husi Konsellu Juventude Distritu Aileu (KJDA) hosi organiza programa hahu husi prosesu Treining Of Treining (TOT) ba liderasan suku 31 iha loron 16/05/2013 hodi organiza prosesu rejistu,selesaun kandidatu,publikasaun kandidatu,kampaña no elisaun husi suku ho teste eskrita final iha Sub Distritu 4, Distritu Aileu nian.

Ba L.F Victor Nascimentu de Araújo hateten “hafoin hetan tiha oreintasaun husi nasional hodi fasilita no organiza atividade selesaun ba membru PF husi suku to’o Sub Distritu,atividade ne’ebé mak halo mak hanesan,TOT ba lideransa no reprezentante juventude Suku 31 no Autoridade lokal Sub Distritu 4, hafoin TOT ne’e autoridade suku hirak ne’e halo fali programa hanesan,rejistu kandidatu,públikasaun,kampaña no eleisaun hafoin ne’e kandidatu kada suku ema nain 2 (feto 1 no mane 1) hodi tama ba prosesu selsaun final anivel Sub

Foto L.F; ida ne’e mak membru parlamentu foinsae (PF) ne’ebé eleitu husi Sub Distritu 4 iha Distritu Aileu hanesan Aileu Vila,Remexio,Laulara no Liquedoe. Martinho da.Costa

Distritu ho teste eskrita husi total kandidatu hira ne’ebe tuir teste final ne’e sei hare ema nain 2 ho valor a’as hodi sai hanesan membru PF husi kada Sub Distritu, siknifika Distritu Aileu iha membru PF ema hanutuk 8 (Mane 4 no Feto 4).

Koordenador KJDA ne’e haktuir tan katak “ ba Distritu Aileu hahu husi TOT to’o final lao ho susesu tamba kolaborasaun diak tebes entre lideransa komunitariu,autoridade lokal Sub Distritu no Distritu no hetan mós tulun husi ekipa monitorizasaun sira hanesan SEJD Distritu,UNICEF no ONG Belun hodi halo susesu PF iha Distritu Aileu, no atividade PF ba Distritu Aileu remata ho selesaun liu husi teste final iha sud Distritu 4 hanesan Aileu Vila iha loron 12/06/2013,Remexio (13/06/),Laulara (14/06/) no Liquedoe (15/06/).

Administardor Sub Distritu Remexio Alberto Carlos hateten iha nia Diskursu wanhira abertura ba selesaun final iha fatin refere katak “ selesaun ida ne’e hanesan  buat foun ida ba Timor Laran tomak,tamba hahu husi suku ho prosesu ida naruk tebes mak defini foinsa’e feto 1 no mane 1 mai tuir selesaun ikus nian iha Sub Distritu, total kandidatu husi suku hamutuk 14 fahe ba mane 7 no feto  7 (suku 7 iha Sub Distritu Remexio)

Alberto hateten tan katak “ ba foinsa’e nain 2 ne’e orsida hetan valor a’as hodi reperezenta Sub Distritu ne’e buka atu aprende barak iha koalia no pratika hodi lori duni aspirasaun juventude husi Distritu Aileu spesial Sub Distritu Remexio ba iha Nasional,tamba imi mak sai hanesan joven iha fatin ida ne’e nia matan,tilun no ain ho liman hodi lori sira nia lian ba hato’o iha fatin ne’ebe imi halao kna’ar ba.”

Husi sorin seluk Maria da.Costa Saldanha no Ronaldo Lopes da.Costa hanesan membru ne’ebé liu selesaun final husi Sub Distritu Laualara no Remexio,tuir sira nia sentimentu kontente tamba bele liu selesaun final ne’e maske liu husi prosesu naruk, ida ikus mai sira rasik mak sukat sira nia kapasidade liu husi teste eskrita ikus, ba iha selesaun membru parlamentu foinsa’e husi Sub Distritu,hodi lori Distritu Aileu laran tomak nia naran.

Maria da.Costa Saldanha iha nia liameno hafoin eleitu hateten “ hau la hein katak mak liu selesaun final anivel Sub Distritu ne’e, tamba hafoin eleitu liu husi eleisaun husi suku nian ba selesaun final ne’e, nia tenke kadi kakutak hamutuk ho nia feto maluk 4 seluk ne’ebe mós eleitu husi suku hanesan Talitu,Madabeno,Tohometa,no Fatisi, maibe dezisaun ikus husi panel sira dehan hau mak liu selesaun final ne’e ho valor teste eskrita 102”

Maria da.Costa husi suku Kotolau,Sub Distritu Laulara ne’e hateten tan katak “ saida mak sai hanesan rekomendasaun husi autoridade suku,Sub Distritu no Distritu nia promete sei tauk nafatin iha nia ulun wanhira sei kaer kargu nu’udar membru PF to’o remata nia mandatu iha, nia mós promete sei lori aspirasaun foinsa’e sira nian ba iha fatin ne’ebé mak nia halao kna’ar, nudar membru parlamentu foinsa’e nian”

Ronaldo Lopes da.Costa husi Sub Distritu Remexio hateten “ la hein katak nia mak liu selesaun ne’e,tamba ne’e hanesan orgullu boot no esperesia foun ba nia hodi bele hatudu kapasidade nu’udar foinsa’e ho otas nurak ida ne’e bele aprende oinsa sai lider ida diak iha futuru mai”

Ronaldo foinsa’e eleitu husi suku Faturasa ne’e hateten tan “ nia promete atu lori aspirasaun foinsa’e husi Sub Distritu ida ne’e ba iha fatin nia halao kna’ar ba, no nia mós promete atu sei hal feskilizasaun ba problema komum juventude sira nian no buka atu kria relasaun diak ho intidade hotu hodi rezolve problema sira iha baze liu-liu foinsa’e sira”

Iha prosesus selesaun final PF Sub Distritu sira iha Distritu Aileu lao ho susesu,maibe tuir observasaun seluk ba iha prosesu kampaña no eleisaun suku, iha suku balu iha failansu liu-liu Sub Distritu Aileu Vila, hanesan suku Lahae,Hoholau no Suku Liurai,tamba suku hirak ne’e la halao prosesu selesaun tuir mata dalan haruka hodi rekomenda deit kandidatu sira.Tuir mai tabel membru eleitu ho suplente husi Distritu Aileu nian kompostu husi Sub Distritu 4.Martinho da.Costa

No	Naran	Sexo	Suku	Sub Distritu	Obs
1	Rafael Martins Tilman	Mane	Malere	Aileu Vila	Eleitu
2	Maria Duli Fátima	Feto	Aissirimou	Aileu Vila	Eleitu
3	Ronaldo da.Costa Lopes	Mane	Faturasa	Remexio	Eleitu
4	Eriana de Andrade	Feto	Fadabloko	Remexio	Eleitu
5	Abrão Araújo	Mane	Madabeno	Laulara	Eleitu
6	Maria da.Costa Saldanha	Feto	Kotolau	Laulara	Eleitu
7	Basilio dos.Santos Ximenes	Mane	Fahisoi	Liquedoe	Eleitu
8	Zelia Mesquita	Feto	Fahisoi	Liquedoe	Eleitu
9	Francisco Xaveir	Mane	Lahae	Aileu Vila	Suplente
10	Alda Ximens de Araújo	Feto	Malere	Aileu Vila	Suplente
11	Custodio da.Costa Paulo	Mane	Tulateqeu	Remexio	Suplente
12	Dulce Lopes Rego	Feto	Acu Mau	Remexio	Suplente
13	Satorlinu Sarmento	Mane	Fatisi	Laulara	Suplente
14	Joaquina B da.Costa	Feto	Talito	Laulara	Suplente
15	Jonio Martins da.Cruz	Mane	Manucasa	Liquedoe	Suplente
16	Ana Paula de. Jesus do Rego	Feto	Bereleu	Liquedoe	Suplente